Kortlagning fyrirtækja á sviði áliðnaðar

Pétur Blöndal frá Samál, Guðbjörg Hrönn Óskarsdóttir klasastjóri Álklasans, Hallveig Höskuldsdóttir verkefnisstjóri Kortlagningarverkefnis og Andri Marteinsson frá Íslandsstofu.

Álklasinn, Íslandsstofa og Samál vinna nú að samstarfsverkefni sem felst í því að kortleggja þau fyrirtæki sem starfa á sviði áliðnaðar. Íslandsstofa hefur á undanförnum misserum unnið sambærilegar úttektir á öðrum atvinnugreinum sem reynst hafa góður grunnur til að þjónusta fyrirtækin betur.  Markmið verkefnisins er að greina stöðu fyrirtækja sem starfa á sviði áliðnaðar á Íslandi í dag og fá yfirsýn yfir hindranir, möguleg samstarfsverkefni og þau sóknarfæri sem eru í sjónmáli fyrir útflutning.  Verkefnisstjóri er Hallveig Höskuldsdóttir.  Nánari upplýsingar um verkefnið veitir Andri Marteinsson hjá Íslandsstofu.